Qazaqstanǵa marıhýana satýǵa kelgen Qyrǵyzstan azamaty ustaldy
ASTANA. Sáýirdiń 28-i. QazAqparat /Aıdar Ospanalıev/ - Ótken aptada elimizde 2 myń 33 qylmystyq áreket tirkelip, olardyń 1 myń 576-nyń izi sýymaı ashyldy. Sondaı-aq taǵy 338 buryn jasalǵan qylmystar áshkerelendi. Qylmys jasady degen kúdikpen izdeýde júrgen 81 azamat qolǵa túsip, 172 qarý tárkilendi, Bul málimettermen búgin jýrnalıstermen bolǵan brıfıngte Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti,
dep habarlaıdy QazAqparat.
Onyń derekterine qaraǵanda, apta ishinde elde esirtkimen baılanysty 189 qylmys tirkelip, onyń 65 faktisi esirtkini saýdalaýmen baılanysty bolǵan. Zańsyz aınalymnan 45 kılá esirtkilik zattar alyndy. «Delta-Alqap» aımaqaralyq esirtki bıznesimen kúres bóliminiń qyzmetkerleri Jambyl oblysy, Merki aýdanynan 38 jasar Qyrǵyzstan azamatyn ustap, odan 12 kılá marıhýana aldy. «Ustalǵan azamattyń sózine qaraǵanda, esirtki Qazaqstanda satylý úshin ákelingen. Atalmysh áreketke qatysty qylmystyq is qozǵaldy. Al Almatyda jergilikti 59 jasar azamat ustalyp, odan 20 gramm marıhýana alyndy. Onyń páterin tekserý barysynda 15 kılá marıhýana tabyldy. Qazir tekserý jumystary júrgizilýde», dedi departament bastyǵy.
