Qazaqstanǵa Male – Almaty reısimen kelgen bir jolaýshydan koronavırýs anyqtaldy
NUR-SULTAN. QazAqparat - 2021 jyldyń 12 sáýirinde Qazaqstan aýmaǵyna Saýd Arabııasy, Maldıv Respýblıkasy, BAÁ, Egıpet, Túrkııa, Grýzııa, Armenııa, Reseı Federatsııasy, Belarýs Respýblıkasy, Ózbekstan jáne Qyrǵyzstannan 34 halyqaralyq áýe reısi keldi.
3682 áýe jolaýshynyń ishinde PTR-testileýdiń teris nátıjesi bar anyqtamamen 3661 adam, anyqtamasyz 21 QR azamaty keldi, dep habarlaıdy QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap.
Onyń ishinde:
Almaty qalasynyń áýejaıyna – 13 reıs, 1623 jolaýshy, anyqtamamen - 1610, anyqtamasyz - 13;
Nur-Sultan qalasynyń áýejaıyna – 5 reıs, 848 jolaýshy, anyqtamamen - 843, anyqtamasyz - 5;
Qostanaı qalasynyń áýejaıyna – 5 reıs, 21 jolaýshy anyqtamamen kelgen;
Shymkent qalasynyń áýejaıyna – 4 reıs, 569 jolaýshy anyqtamamen kelgen;
Aqtaý qalasynyń áýejaıyna – 3 reıs, 326 jolaýshy anyqtamamen kelgen;
Jezqazǵan qalasynyń áýejaıyna – 2 reıs, 10 jolaýshy anyqtamamen kelgen;
Oral qalasynyń áýejaıyna – 1 reıs, 128 jolaýshy anyqtamamen kelgen;
Túrkistan qalasynyń áýejaıyna – 1 reıs, 157 jolaýshy, anyqtamamen - 154, anyqtamasyz - 3.
Anyqtamasyz kelgen Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik statsıonarlarda óz nátıjelerin kútýde.
2021 jyldyń 11 sáýirinde shetelden anyqtamasyz kelgen Qazaqstan azamattarynyń PTR taldaýlarynyń nátıjeleri boıynsha anyqtamasyz kelgen 10 QR azamatynyń PTR-taldaý nátıjeleri boıynsha Male – Almaty reısimen kelgen bir jolaýshydan koronavırýstyq ınfektsııa anyqtaldy.
