Qazaqstanǵa Qytaıdan ekzotıkalyq qus ákelýdiń joly kesildi

ASTANA. 10 qyrkúıek. QazAqparat - Qazaqstan men Qytaı shekarasynda qustar men akvarıýmǵa qajetti ósimdikter alyp ótý faktisi anyqtaldy. Bul týraly QR UQK ShQ baspasóz qyzmetinen habarlady.

«Qorǵas» baqylaý-ótkizý pýnktiniń shekarashylary 1977 jyly týǵan Andreı K. esimdi Qazaqstan Respýblıkasynyń azamatyn ustady. Ol Qytaıdan 55 ementumsyq pen akvarıýmǵa qajetti túrli 200 ósimdik alyp ótpek bolǵan.

Tiri taýar tárkilendi, al K. esimdi azamat ákimshilik jaýapkershilikke tartyldy.