Qazaqstanǵa Qytaıdan 10 dáriger keldi
NUR-SULTAN.QazAqparat - Nur-Cultan qalasyna Qytaıdan koronavırýs ınfektsııasymen aýyratyn naýqastardy emdeýde mol tájirıbesi bar dárigerler keldi, dep habarlaıdy QazAqparat QR Prezıdenti janyndaǵy Tótenshe jaǵdaılardy qamtamasyz etý jónindegi Memlekettik komıssııanyń jedel shtabynyń málimetterine silteme jasap.
Jedel shtabtyń málimetterinshe, dárigerlerdiń arasynda pýlmonologtar, reanımatologtar, qoǵamdyq densaýlyq saqtaý sarapshylary bar.
Medıtsına salasynyń mamandary Qazaqstanǵa COVID-19 vırýsymen kúreste járdemdesedi.
Sonymen qatar, QHR shamamen 5,5 tonna gýmanıtarlyq kómek jetkizdi. Olardyń ishinde jeke qorǵaný quraldary, dárilik preparattar bar. Esterińizde bolsa, Qazaqstan da indet bastalyp jatqan kezde Qytaıǵa maskalar túrinde gýmanıtarlyq kómek kórsetken edi.
Dárigerler 15 kún jumys isteıtin bolady, onyń tolyq baǵdarlamasy da jasaldy. Baǵdarlama barysynda koronavırýsy bar patsıentterdi emdeý, dıagnoz qoıý máselelerin talqylaý, sondaı-aq jalpy qoǵamdyq densaýlyq saqtaý máselelerin qaraý kózdelgen.
Baǵdarlama aıasynda Nur-Sultan qalasymen qatar, Almaty jáne Qaraǵandy qalalaryna barý josparlanyp otyr.
