Qazaqstanǵa kúzgi jylý qaıta oralady - sınoptıkter
ASTANA. QazAqparat - Sınoptıkter aldaǵy 27-29 qarashaǵa aýa raıy boljamyn usyndy, dep habarlaıdy QazAqparat «Qazgıdromet» RMK-ǵa silteme jasap.
«Qys jaqyndap keledi, biraq Qazaqstanda ótkinshi sýyqtan keıin kúzgi jyly aýa raıy oralady. Aldaǵy úsh táýlikte aýa temperatýrasy joǵarylaıdy, biraq kóptegen oblysta kún bulttanyp, jaýyn-shashyn jaýady. Respýblıkanyń soltústik jartysynda burqasyn soǵyp, batystan ekpindi jel soǵady. Ońtústik jáne ońtústik-shyǵys oblystarda kúndizgi temperatýra +5...15 gradýsqa deıin, respýblıkanyń soltústiginde, ortalyǵy men shyǵysynda 0...+5 gradýsqa deıin kóteriledi», - delingen sınoptıkterdiń habarlamasynda.
Tek, batys óńirlerde aýa temperatýrasy +2...13 gradýstan 0...8 gradýsqa deıin tómendeýi yqtımal.
