Qazaqstanǵa quny 370 mln teńgeden asatyn elektrondy temeki alyp ótpek bolǵandar ustaldy

ASTANA. QazAqparat – QR Ulttyq qaýipsizdik komıteti Shekara qyzmeti taýarlardy memlekettik shekaradan zańsyz ótkizý faktilerin anyqtaý jumystaryn jalǵastyrýda, dep habarlaıdy QazAqparat QR UQK-niń baspasóz qyzmetine silteme jasap.

Baspasóz qyzmetiniń málimetterine qaraǵanda, 2023 jylǵy aqpanda UQK Shekara qyzmeti Jambyl oblysynyń «Qarasý» avtomobıl ótkizý pýnktinde quny 370 mln teńgeden astam somaǵa baǵalanǵan elektrondyq temekiniń iri partııasyn ilespe qujattarsyz alyp ótpek bolǵan sheteldikter ustaldy.

Almaty qalasynyń halyqaralyq áýejaıynda «Ystanbul – Almaty» halyqaralyq reısinde ilespe qujattarsyz quny shamamen 10 mln teńge turatyn altynnan jasalǵan buıymdardy ákelýge tyrysqan QR azamaty ustaldy.

«Ustalǵandar odan ári qarastyrý úshin QR QM Memlekettik kirister komıtetiniń aýmaqtyq bólimshelerine tapsyryldy»,-delingen komıtettiń baspasóz qyzmetiniń baspasóz-baıanynda.