Qazaqstanǵa kreatıvti ındýstrııa ne úshin kerek

Sońǵy jyldary kreavtıvti ındýstrııa degen uǵym paıda boldy. Onyń el ekonomıkasyna paıdasy qandaı? Bul týraly tolyǵyraq Mádenıet jáne aqparat mınıstri Aıda Balaeva túsindirip ótti, dep habarlaıdy QazAqparat tilshisi.

«Qazirgi ýaqytta sarapshylar jáne ındýstrııa ókilderimen birge avtorlyq quqyq, zııatkerlik menshikti qorǵap, kreatıvti ındýstrııa ókilderin qoldaý sharalary qarastyrylyp jatyr. Ortalyq memlekettik jáne jergilikti atqarýshy organdarǵa qosymsha quzyretter berýdi kózdeıtin kreatıvti ındýstrııa máseleleri jónindegi zańnamany ózgertý jaǵy talqylanyp jatyr», - dedi Aıda Balaeva ortalyq kommýnıkatsııalar qyzmeti alańynda ótken baspasóz máslıhatynda.

Mınıstrdiń aıtýynsha, kreatıvti ındýstrııa ókilderimen birneshe kezdesý ótti. Kezdesýlerde shyǵarmashylyq ındýstrııany damytý úshin ınstıtýtotsıanaldy ınfraqurylymdar men memleket múlkin paıdalanýdyń mehanızmderin jasaý jaıy talqylanǵan.

«Qazaqstan ekonomıkasyna kreatıvti ındýstrııanyń úlesin ulǵaıtýdy 2025 jyly 5%-ǵa, kreatıvti ındýstrııa salasynda jumyspen qamtýdy 2025 jyly 4%-ǵa deıin arttyrýdy josparlap otyrmyz. Sonymen qatar 2025 jylǵa qaraı kreatıvti ındýstrııanyń úlesin shaǵyn jáne orta bızneste 1,5 ese ulǵaıady. Oǵan qosa, osy ýaqytqa deıin kreatıvti tehnologııalardy damytý esebinen 30 myńnan astam jańa jumys oryndaryn qurý josparlanyp otyr. Al kreatıvti ındýstrııa ónimderiniń eksporty 200 mln dollarǵa deıin óspek, - dedi vedomstvo basshysy brıfıngte.

Sondaı-aq, Aıda Balaeva qazir óńirlerde kreatıvti hab jasaqtaý úshin óńirlerde qajetti aqparatty jınaý júzege asyrylyp jatyr.