Qazaqstanǵa qosymsha elektr energııasy kerek - Prezıdent
PAVLODAR. QazAqparat – Memleket basshysy Qasym-Jomart Toqaev Pavlodar oblysy tuǵyndarymen kezdesýi barysynda energetıka máselesine qatysty pikir bildirdi, dep habarlaıdy QazAqparat BORT №1 Telegram kanalyna silteme jasap.
«Elimizdiń energetıkalyq balansynda kómir mańyzdy oryn alady, 70 paıyzdan asady. Eýropalyq Odaq halyqaralyq arenadaǵy geosaıası ózgeristerge baılanysty kómirdi qoldaný kontseptsııasyna qaıta orala bastady. Qazir biz kómirdi paıdalanýdan bas tartpaımyz. Biraq elektr stantsııasy jumysynyń nátıjesinde atmosferaǵa bólinetin kómir massasynyń shyǵaryndylaryn eń az mólsherge deıin azaıtýǵa múmkindik beretin ozyq tehnologııalar bar. Osy úzdik tehnologııalardy bizdiń óndiriste mindetti túrde qoldaný kerek. Jalpy, Qazaqstanǵa qosymsha elektr energııasy qajet ekenin aıtqym keledi. Bul – fakt. Oǵan qosa, sharyqtaý kezinde bizde energetıka tapshylyǵy seziledi. Buǵan jol berýge bolmaıdy»,-dedi Prezıdent.
