Qazaqstanǵa qosymsha 50 myń tonna AI-92 markaly benzın men 35 myń tonna dızel otyny ákelinbek - QMGÓ
ASTANA. QazAqparat - «QazMunaıGaz Ónimderi» JShS (QMGÓ) «QazMunaıGaz» janarmaı quıý stansalarynda munaı ónimderin úzbeı satý jáne bólshek saýda naryǵyn janar-jaǵarmaı túrlerimen qanyqtyrý úshin barlyq qajetti is-sharalardy júzege asyryp keledi.
Bul týraly «QazMunaıGaz - óńdeý jáne marketıng» AQ Korporatıvtik baılanystar qyzmeti habarlady.
Teris ekonomıkalyq áser men múmkin bolarlyq shyǵyndarǵa qaramastan 2014 jylǵy tamyz aıynda QMGÓ 34 myń tonna munaı ónimderin ımporttaý úshin reseılik kompanııalarmen qosymsha kelisimsharttarǵa qol qoıdy («Bashneft», «LÝKOIL» jáne t.b.), onyń ishinde AI-92 markaly benzın kólemi 10 myń tonnany, AI-95 markaly benzın - 5 myń. Tonnany jáne dızel otyny 19 myń tonnany quraıdy. Munaı ónimderin Qazaqstanǵa ákelý merzimi bıylǵy jylǵy tamyz aıynyń sońy men qyrkúıek aıynyń basy.
Osylaısha, AI-92 markaly benzınniń jetkizilim boıynsha josparlanǵan 10 myń tonnanyń 6,2 myń tonnasy nemese 62% túsirildi, dızel otynynyń jetkizilimi boıynsha josparlanǵan 34 myń tonnanyń 9,4 myń tonnasy nemese 28% túsirildi.
Joǵaryda aıtylǵan munaı ónimderiniń kóleminen basqa Qazaqstandaǵy joǵary suranysty qanaǵattandyrý úshin qyrkúıek aıynda qosymsha 176 myń tonna munaı ónimderin ımporttaý qajet, sonyń ishinde AI-92 markaly benzınniń 140 myń tonnasyn, dızel otynynyń shamamen 36 myń tonnasyn ákelý kerek.
Búgingi kúni birqatar reseılik kompanııalarmen kelissózder júrgizý aıaqtaldy da, bıylǵy jylǵy qyrkúıek aıynda qosymsha 50 myń tonna AI-92 markaly benzın men 35 myń tonna dızel otynyn ákelý máselesi qarastyrylyp otyr.
Jalpy alǵanda, elimizdegi munaı ónimderiniń teńgerimi ózgergen joq, sondyqtan QMGÓ men basqa da naryqqa qatysýshylardyń tarapynan júrgiziletin is-sharalar janar-jaǵarmaıdyń bólshek saýda naryǵyndaǵy.jaǵdaıdyń turaqtanýyna jáne munaı ónimderin, ásirese AI-92 markaly benzınin satýǵa qoıylǵan shekteýlerdi alyp tastaýǵa múmkindik týǵyzýy tıis.
«QazMunaıGaz» janarmaı quıý stansalarynyń jelisi Qazaqstan naryǵynda benzın boıynsha ortasha eseppen 18%, dızel otyny boıynsha 17% alyp otyrǵanyn aıta ketý oryndy.
