Qazaqstanǵa kóship keletinder aıaq astynan 46% azaıdy

ASTANA. KAZINFORM — 2023 jyldyń qańtar-jeltoqsan aılarynda elge kelgender sany — 25,3 myń adam, elden ketkender — 16 myń boldy. Ulttyq statbıýro osyndaı málimet taratty. 

Kóshi-qon saldosy oń + 9344 adam.

Aıta keteıik, kóshi-qon saldosy 2011 jyldan beri alǵash ret oń mán kórsetip otyr.

Óńiraralyq kóshi-qon boıynsha oń saldo elimizdiń 3 óńirinde qalyptasty: Almaty (38,1 myń adam), Astana (50 myń adam) jáne Shymkent (3,4 myń adam) qalalarynda.

2022 jyldyń tıisti kezeńimen salystyrǵanda Qazaqstanǵa kelgender sany 46,8%, ketkender sany 33,8% azaıdy.

Negizgi kóshi-qon almasý TMD memleketteri arasynda júrgen.

TMD elderinen kelgenderdiń sany — 21,9 myń adam, sol elderge turaqty turýǵa ketkender 12,4 myń adam boldy.