Qazaqstanǵa koronavırýsty emdeýde tájirıbesi bar Reseıdiń áskerı dárigerler toby keldi

NUR-SULTAN. QazAqparat - Qazaqstan men Reseıdiń áskerı dárigerleri koronavırýs ınfektsııasymen kúres boıynsha birlesken jumysqa kiristi, dep habarlaıdy QazAqparat tilshisi.

QR Qorǵanys mınıstrliginiń baspasóz qyzmetinen habarlaǵanyndaı, is-shara eki eldiń qorǵanys vedomstvolary basshylarynyń áskerı-medıtsınalyq yntymaqtastyq týraly kelisimine sáıkes júzege aspaq. Ol boıynsha Nur-Sultan men Almaty qalalarynyń áskerı klınıkalyq gospıtaldaryna COVID-19 koronavırýs ınfektsııasy anyqtalǵan patsıentterdi emdeýde tájirıbesi bar reseılik anestezıolog-reanımatolog, ınfektsıonıst pen terapevtten turatyn áskerı dárigerler toby keldi.

Baǵdarlamada emdelýshilerdiń emdeý hattamalaryn zerdeleý, áskerı dárigerlerdiń konsýltatsııasymen semınarlar ótkizý jáne ınfektsııalyq aýrýlardy dıagnostıkalaý men emdeý salasynda tájirıbe almasý kózdelgen.