Qazaqstanǵa koronavırýsty anyqtaý úshin 100 myń test ákelinbek

NUR-SULTAN. QazAqparat – Densaýlyq saqtaý mınıstri Eljan Birtanov koronavırýs ınfektsııasyn anyqtaýdyń test júıesi týraly aıtyp berdi, dep habarlaıdy QazAqparat tilshisi.

«Biz qazir 60 myń testiń jetkizilýin kútip otyrmyz. Odan bólek 40 myń testke tapsyrys berdik. ıAǵnı jalpy biz 100 myń testi rezervke qoıamyz», - dedi Eljan Birtanov OKQ-da ótken baspasóz máslıhatynda.

Mınıstr qazirgi tańda Qazaqstanda RF, QHR, BAÁ, AQSh jáne DDSU usynǵan (Germanııada shyǵarylǵan) test-júıeleri baryn aıtyp ótti.

«Jalpy bizge 15 myń test jetkizildi. Qazirgi tańda biz 3389 adamǵa 5093 testi paıdalandyq. Qalǵan 9907 test bar. Osylardyń ishinde ekeýi oń nátıje kórsetti. Ol týraly jańa aıttym», - dedi mınıstr.

Eske sala ketsek buǵan deıin Densaýlyq saqtaý mınıstri Eljan Birtanov Qazaqstannyń eki azamatynan koronavırýs ınfektsııasy tabylǵanyn málim etken edi.