Qazaqstanǵa koronavırýs juqtyrǵandar qandaı memleketterden keldi
«QR Bas memlekettik sanıtarııalyq dárigeriniń qaýlysyna sáıkes, 2020 jyldyń 6 qazanynan bastap elimizdiń memlekettik shekarasynyń avtomobıl ótkizý pýnktteri arqyly 196 myń adam ótken. 364 adamda oń nátıjesi bar koronavırýs ınfektsııasy anyqtaldy. Halyqaralyq áýe reısterimen 60 953 jolaýshy ushyp keldi. 8 827 adamnan test aldyndy. Oń nátıjemen 48 adam anyqtaldy. Atap aıtqanda, Túrkııadan - 16, Mysyrdan - 18, BAÁ-den - 5, Belarýstan - 7 jáne Reseıden - 2 adam», - dedi ol Ortalyq kommýnıkatsııalar qyzmetindegi baspasóz máslıhatynda.
Sonymen qatar ol QR aýmaǵynda turýǵa ruqsaty bar sheteldikter, olardyń otbasy músheleri, QR azamattarynyń otbasy músheleri bolyp tabylatyn sheteldikter úshin elimizdiń shekarasyn kesip ótý tártibine ózgerister engizildi. Endi bul azamattar memlekettik shekarany 90 táýlikte bir ret qana kesip óte alady.
«Sondaı-aq 2021 jyldyń 1 mamyryna deıin 57 eldiń azamaty úshin vızasyz rejımdi toqtatýǵa májbúr boldyq. 2021 jyldyń 1 qańtaryna deıin Qytaı men Úndistannan keletin tranzıttik jolaýshylardyń QR aýmaǵynda 72 saǵat vızasyz júrý jeńildigi toqtaldy. Ýkraına, BAÁ, Germanııa, Belarýs, Túrkııamen áýe reısteriniń sany qysqardy. Qazaqstan aýmaǵyna áýe reısterimen kelgen barlyq adamda, onyń ishinde Qazaqstan azamattarynda, sondaı-aq ekijaqty halyqaralyq júk tasymalyn júzege asyratyn júrgizýshilerde PTR testileý týraly anyqtamasy bolýy tıis degen sheshim shyǵaryldy», dedi ol.