Qazaqstanǵa kontrabandalyq jolmen 3 myń keli úırek etin alyp ótpek bolǵandar ustaldy
ALMATY. Jeltoqsannyń 30-y. QazAqparat / Ádilet Musahaev / - Jeltoqsannyń 26 kúni Qorǵas kedeninde qytaıdan kele jatqan DAF markaly kóliginen deklaratsııalanbaǵan, tońazatylǵan úırek eti tárkilengen,
dep habarlaıdy QazAqparat Almaty oblysy keden departamentiniń baspasóz qyzmetine silteme jasap.
Kontrabandamen kúres basqarmasynyń qyzmetkerleri, atalmysh kólikke kedendik baqylaý júrgizý barysynda deklaratsııalanǵan taýarlardan tys, 3 332 keli tońazatylǵan úırek etin tapqan.
Qazirgi ýaqytta zańsyz ótkizbek bolǵan taýarlar ýaqytsha qoımada saqtaýly. Sondaı-aq osy oqıǵa boıynsha tergeý isi júrgizilýde.
