Qazaqstanǵa kólikpen bıdaı ımporttaýǵa tyıym salyndy

ASTANA. QazAqparat – Aýyl sharýashylyǵy mınıstriniń «QR aýmaǵyna bıdaıdy avtomobıl kóligimen ákelýge tyıym salýdy engizý týraly» buıyryǵy kúshine endi, dep habarlaıdy QazAqparat tilshisi.

«Qazaqstan Respýblıkasynyń aýmaǵyna avtomobıl kóligimen tuqymdyq bıdaıdy qospaǵanda, bıdaı ımporttaýǵa 6 aıǵa tyıym salynsyn. Osy buıryqtyń oryndalýyn baqylaý jetekshilik etetin QR Aýyl sharýashylyǵy vıtse-mınıstrine júktelsin», - delingen Aýyl sharýashylyǵy mınıstriniń buıyryǵynda.

Vedomstvo basshysynyń buıryǵy 10 sáýirden bastap kúshine endi.

Sondaı-aq keshe elimizden avıakerosın, dızel jáne munaı bıtýmyn eksporttaýǵa tyıym salynatyn Energetıka mınıstriniń buıryǵy kúshine engenin habarlaǵan edik. Bul shekteý Qazaqstannyń ishki naraǵyndaǵy munaı ónimderi tapshylyǵynyń aldyn alý maqsatynda engizilgen.