Qazaqstanǵa kóktem qaı kezde keledi?
ASTANA. QazAqparat - AQSh-tyń Qazaqstandaǵy elshiliginiń elektrondy sýyry elimizde kóktemniń erte shyǵatynyn boljap berdi. Bul týraly dıplomatııalyq mıssııanyń Facebook áleýmettik paraqshasynyń betinde habarlanǵan.
Arnaıy beınehabarlamada sýyr kóktemniń shyǵý merzimine birneshe ret dálme-dál boljam jasap úlgergenin aıtady. Onyń aıtýynsha, bıyl Qazaqstanda qys qysqa bolmaq. Elektrondy kemirgish qazaq jáne orys tilderinde sóıleıdi. Bul týraly Lenta.rý habarlady.
2 aqpan kúni AQSh pen Kanadada dástúrli túrde Sýyr kúni atap ótiledi. Bul kúni atalǵan el turǵyndary Pensılvanııa shtatynyń Panksatonı qalasyn meken etetin Fıl atty sýyrdy uıqysynan oıatýy tıis. Sýyrdy túrtken kezde ol óz kóleńkesinen seskenip qalsa, qys taǵy alty aıǵa sozylady, degen boljam jasalady. Al eger ol ininen aspaı-saspaı shyǵatyn bolsa, bul kóktemniń erte keletindiginiń belgisi.
