Qazaqstanǵa Qytaıdan kelgen jumysshylardyń úlesi qansha

ASTANA. KAZINFORM – Qytaılyq ınvestorlar Qazaqstandaǵy kásiporyndaryna óz elinen 30 paıyzǵa deıin jumysshy ákelýge quqyly.

- Bizdiń statıstıkaǵa sáıkes, sheteldik jumysshylar kóbine Ózbekstannan keledi, Qytaı jumysshy sany jaǵynan ekinshi nemese úshinshi orynda bolýy múmkin. Jumys oryndaryna kelsek, qytaılyq jumys berýshiler ınvestıtsııalyq kelisimshartqa sáıkes belgili bir merzimge keledi. Mysaly, zaýytty úsh jyl ishinde salý qajet bolsa, ınvestıtsııalyq kelisimshart aıasynda qazaqstandyq tarappen birge jumysshylardyń quramyn talqylaıdy. Qansha paıyzy Qytaı jaǵynan, qansha paıyzy Qazaqstan jaǵynan bolatynyn kelisedi, - dedi Eńbek jáne halyqty áleýmettik qorǵaý birinshi vıtse-mınıstri Asqarbek Ertaev ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, talapqa sáıkes jumysshylardyń 70 paıyzy Qazaqstan azamaty bolýy tıis.

- Qytaı tarapynan kelgen mamandardyń úlesi 30 paıyzdan aspaıdy. Bul norma zańnamada kózdelgen, árbir ınvestıtsııalyq kelisimshart jeke tártippen qaralady. Al Qytaıdan jumysshylardyń aǵylyp kelý qaýpine kelsek, biz ondaı táýekel baıqap otyrǵan joqpyz. Sheteldik jumys kúshiniń kelýin jáne olardyń jumyspen qamtylý jaǵdaıyn turaqty túrde baqylap otyramyz. «Kóshi-qon týraly» zańǵa sáıkes, eń aldymen ishki eńbek naryǵyn qorǵaý basty qaǵıda, - dep tolyqtyrdy spıker.

Buǵan deıin qazaqstandyqtar jumys isteýge kóbine qaı elderge baratyny týraly jazǵan edik. 

Aıta keteıik, Qazaqstanda qandas mártebesin uzartý tártibi jeńildetildi.