Qazaqstanǵa kıbershabýyl kóbine qaı elderden jasalady

Ótken jyly Qazaqstanǵa sheteldik hakerler 223 mln-nan astam kıbershabýyl jasady, dep habarlaıdy Kazinform agenttigi memlekettik tehnıkalyq qyzmettiń baspasóz qyzmetine silteme jasap. 

Byltyr elimizge jasalǵan kıbershabýyldardyń deni Ýkraına, AQSh, Polsha, Reseı jáne Qytaıdan tirkelgen. Atap aıtqanda, Ýkraınanyń ınfraqurylymyn paıdalaný arqyly shabýyl jasaý shildede bolǵan jáne barlyq shabýyldar (95%) Zyxcel jabdyqtaryn paıdalaný áreketterimen baılanysty.

Sheteldik hakerler ınternetke qol jetkizýdiń biryńǵaı shlıýzi klıentterin qorǵaýda bar kúshin saldy. Internetke qol jetkizýdiń biryńǵaı shlıýzi – ınternetke kirgen kezde telekommýnıkatsııalyq jelilerdi qorǵaýdy qamtamasyz etetin apparattyq-baǵdarlamalyq keshen.

Elimizge syrttan kıbershabýyldar jergilikti atqarýshy (133,5 mln áreket) jáne memlekettik organdarǵa (47,7 mln), sonymen qosa kvazımemlekettik sektor (27 mln), baılanys operatory (19,9 mln) jáne jeke kompanııalarǵa (2,9 mln) jasalǵan.

Memlekettik sektorǵa baǵyttalǵan shabýyldardyń úlesi – 62%. Shabýyldardyń kópshiligi Qazaqstannyń soltústik óńirlerinde, atap aıtqanda SQO, Aqmola oblysy, Qostanaı oblysynda tirkeldi.