Qazaqstanǵa kelýdi armandadym — Chehııa Premer-mınıstri
ASTANA. KAZINFORM — Búgin Úkimet úıinde Premer-mınıstr Oljas Bektenovpen kezdesken Chehııa Premer-mınıstri Andreı Babısh Qazaqstanǵa kelý armany bolǵanyn aıtty.
— Búgin dál osy jerde bolý men úshin zor mártebe. Barlyq ýaqytta da Qazaqstanda bolýdy armandaǵan edim jáne nelikten ekenin de aıtyp bereıin. Ýnıversıtette halyqaralyq saýda fakýltetinde oqydym. Ýnıversıtet bitirgennen keıin Barselona qalasynda hımııa salasynda jumys isteı bastadym. Bul osydan erterekte — 1998 jyldyń qarashasynda bolǵan edi. Fakýltette bilim alyp júrgenimde sóz negizinen Qazaqstandaǵy «jasyl fosformen» jumys jaıynda órbıtin, — dep eske aldy cheh Úkimet basshysy.
Mártebeli meıman sol ýaqyttan Qazaqstandy, fosfor óndiretin jerdi kórý basty maqsaty bolǵanyn aıtty.
— Jumys istep júrgenimde basshylyǵymnan Qazaqstanǵa jiberýin suradym. Biraq, ókinishke oraı osy ýaqytqa deıin Qazaqstanǵa kelýge esh múmkindigim bolmady. Bul meniń Qazaqstanǵa, sizderdiń tamasha elderińizge alǵashqy kelýim, — dedi Andreı Babısh.
Buǵan deıin Chehııa bıznesi Qazaqstandaǵy ınvestıtsııalyq múmkindikterge qyzyǵýshylyq tanytqanyn jazǵan edik.
