Qazaqstanǵa kelý burynnan armanym edi — Silk Way Star-ǵa Túrikmenstan atynan qatysatyn Dovran Shammyev
ASTANA. KAZINFORM – «Silk Way Star» mýzykalyq jobasyna Túrikmenstan eliniń atynan qatysyp jatqan Dovran Shammyev Astanaǵa kelgen sáttegi áserimen bólisti.
— Men úshin mundaı aýqymdy baıqaýǵa qatysý — úlken mártebe. Qazaqstanǵa kelý burynnan meniń armanym edi. Biz baýyrlas halyqtarmyz ǵoı, sodan da bolar, qazaq mádenıeti, salt-dástúri, mýzykasy meni erekshe baýraıdy. Uqsastyǵymyz óte kóp, men tipti qazaq tilin túsinemin. Astana men Ashhabad sondaı uqsas eken, bir sát ózimdi óz elimnen alystap shyqpaǵandaı sezindim, - dedi jas ánshi «Jibek joly» telearnasyndaǵy «Búgin LIVE» baǵdarlamasynda.
Sondaı-aq ol baıqaý aldynda basqa qatysýshylardyń kóńil-kúıi qandaı ekenin aıtyp berdi.
— Kez kelgen ártis kópshilik aldyna shyǵarda qobaljıdy. Biraq qazir oıymyzdy jınap, baıqaýda jaqsy óner kórsetýge bar kúsh-jigerimizdi salyp jatyrmyz. Óz Otanyńnyń namysyn qorǵaý úlken jaýapkershilik qoı. Keshe alǵashqy daıyndyqtan keıin basqa qatysýshylarmen tanysyp, dostasyp úlgerdik. Bul jobany saıys dep aıtýǵa aýyz barmaıdy, sebebi qazirdiń ózinde sondaı jyly atmosfera seziledi, dos kóńil ańǵarylady, - dedi Dovran Shammyev.
Aıta keteıik, kúni keshe halyqaralyq «Silk Way Star» baıqaýynyń 12 qatysýshysy túgel Astanaǵa keldi