Qazaqstanǵa kelip jatqan reseılikterdiń sany azaıdy - Muhtar Tileýberdi

ASTANA. QazAqparat – QR Premer-Mınıstriniń orynbasary-Syrtqy ister mınıstri Muhtar Tileýberdi Qazaqstanǵa kelip jatqan reseılikterge qatysty pikir bildirdi, dep habarlaıdy QazAqparat tilshisi.

QR Іshki ister mınıstrliginiń málimetine qaraǵanda, 21 qyrkúıekten beri elimizge 200 myńnan astam reseılik kelgen.

«Sońǵy málimetter boıynsha keshe Qazaqstanǵa qaraı aǵylǵan nópir báseńsidi. ıAǵnı Qazaqstannan ketken reseılikterdiń sany elimizge kelgenderge qaraǵanda artyq bolǵan», - dedi M. Tileýberdi Májiliste tilshiler saýalyna jaýap bere otyryp.

Budan buryn habarlanǵandaı, 4 qazan kúni QR Іshki ister mınıstri Marat Ahmetjanov Úkimet otyrysynan keıin BAQ ókilderine bergen suhbatynda Qazaqstandy panalap jatqan reseılikter týraly sońǵy statıstıkany jarııalady.

«Bul másele baqylaýda. Reseıdiń 200 myńnan astam azamaty kirdi. Biraq búgingi tańda 147 myńy shyǵyp ketti. Árıne ishinara mobılızatsııa jarııalanǵan kezderde úlken keptelister boldy. Kesheden bastap burynǵy qalpyna kelip otyr. Mysaly, keshegi kúndi alatyn bolsaq, Reseıdiń 7 myńnan astam azamaty memleketimizge kirdi, 11 myńǵa jýyǵy shyǵyp ketti. Sondyqtan qazir kelgender shyǵyp jatyr. Mıgratsııalyq ahýal baqylaýda. Jan-jaqty qarap jatyrmyz», - dedi M. Ahmetjanov.