Qazaqstanǵa kelip jatqan oralmandardyń basym bóligi - eńbekke qabiletti azamattar
STANA. Sáýirdiń 6-sy. QazAqparat /Arman Asqarov/ - Búgingi tańda elimizge kelip jatqan oralman qazaqtardyń basym bóligi - eńbekke qabiletti azamattar. Sondyqtan olar Qazaqstannyń ósip-órkendeýine óz úlesterin qosa alady.
Búgin Lev Gýmılev atyndaǵy Eýrazııa ulttyq ýnıversıtetinde kóshi-qon máselelerine arnalǵan keńeste QR Parlament Májilisiniń depýtaty Aıgúl Soloveva osylaı aıtty, dep habarlaıdy QazAqparat.
Depýtat keltirgen málimetterge sáıkes búgingi tańda elimizdegi oralmandardyń jalpy sany 700 myń adamdy qurap otyr. Olardyń teń jartysy nemese 54,1 paıyzy - eńbekke qabiletti azamattar. Olardyń ishinde kámelettik jasqa tolmaǵan jastardyń úlesi 41,2 paıyzdy, al zeınetkerler 5-aq paıyzdy qurap otyr. «Buǵan qarap, bizdiń elge kelip jatqan qandastarymyzdyń basym bóligi eńbekke qabiletti ári Qazaqstannyń ósip-órkendeýine óz úlesin qosa alatyn azamattar ekendigin nyq senimmen aıtýǵa bolady», deıdi A.Soloveva.
