Qazaqstanǵa kelgen týrısterge tegin SIM-karta berý usynyldy

ASTANA. KAZINFORM – Qazaqstanǵa kelgen týrısterdiń vıza rásimdeýin jeńildetip, tegin SIM-karta berý usynyldy. Bul týraly Týrızm jáne sport mınıstri Erbol Myrzabosynov Úkimettiń búgingi otyrysynda baıandady.

− Týrıstiń alǵashqy áseri áýejaı men shekaradan bastalady. Ondaǵy qyzmet sapasy – el týraly kózqarasty qalyptastyratyn alǵashqy qadam. Keıbir týrıster úshin vıza rásimdeý uzaqqa sozylyp, birneshe saǵatqa deıin jalǵasyp jatady. Mundaı jaǵdaılardy boldyrmaý úshin shekara men áýejaı qyzmetkerlerine arnalǵan oqytý baǵdarlamalaryn ótkizýdi usynamyz. Bul maqsatta biz Halyqaralyq týrızm ýnıversıteti men Kazakh Tourism ulttyq kompanııasynyń áleýetin paıdalanýǵa daıynbyz, − E.Myrzabosynov.

Sala mınıstri ótkizý pýnktterinde Q-gate júıesin keńinen engizý týrısterge yńǵaıly bolatynyn atap ótti.

− Taǵy bir usynys – týrısterge kelgen boıda tegin SIM-karta berý. Bul olarǵa alǵashqy sátten bastap ınternet pen baılanysqa qol jetkizýge kómektesedi, − deıdi Týrızm mınıstri.

Aıta keteıik, ótken jyly elimizge 15,3 mıllıon týrıst shetelden kelgen. Sondaı-aq, 10 mıllıonnan astam ishki týrıst el ishinde saıahattaǵan.

Qazaqstanǵa 87 eldiń azamaty vızasyz kele alady, taǵy 107 eldiń azamaty elektrondy vızamen kire alady.