Qazaqstanǵa kelgen týrıst eń aldymen neni baıqaıdy
ASTANA. KAZINFORM –Qazaqstanǵa kelgen týrıst eń aldymen neni baıqaıdy? Tarıhı oryndar men tabıǵı kórikti jerlerdi me álde kórsetiletin qyzmettiń sapasyn ba? Týrızm – tek kórikti jerler men ásem lokatsııalardan turmaıdy. Ár sapardyń artynda qonaqty qarsy alyp, demalysyn uıymdastyratyn jáne el týraly áserin qalyptastyratyn kásibı mamandar bar.
Búginde Qazaqstannyń týrıstik salasy qarqyndy damyp keledi. 2026 jyldyń birinshi jartyjyldyǵynda elge shamamen 7 mıllıon týrıst keldi. Týrıstik aǵynnyń ósýimen birge bilikti kadrlarǵa degen suranys ta artyp otyr.
Salaǵa qajetti mamandardy daıarlaý isine Týrızm jáne sport mınıstrligi erekshe mán beretinin atap ótti. Osy baǵyttaǵy negizgi bilim berý ortalyqtarynyń biri – Halyqaralyq týrızm jáne meımandostyq ýnıversıteti. Bul – Qazaqstandaǵy týrızm salasyna mamandanǵan alǵashqy joǵary oqý orny.
Qazirgi tańda ýnıversıtette 3 myńnan astam stýdent bilim alady. Oqý 14 bilim berý baǵdarlamasy boıynsha júrgiziledi. Onyń ishinde 8 bakalavrıat jáne 4 magıstratýra baǵdarlamasy bar. Olardyń qatarynda Mońǵolııa, Ózbekstan jáne Reseıden kelgen stýdentter de bar.
Stýdentter týrızm, qonaqúı jáne meıramhana isi, ekskýrsııalyq qyzmet, sporttyq týrızm, is-sharalar menedjmenti jáne basqa da baǵyttar boıynsha bilim alady.
Aıta keteıik, Astanaǵa keletin týrıster sany qalanyń áleýetine áli saı emes. Elorda jylyna 4–6 mln týrıst qabyldaı alady. Bul týraly «Future of Mobility» JShS-niń damý jónindegi dırektory Ulybek Qımanov málimdedi.
Halyqaralyq Lonely Planet týrıstik basylymy Astanany Best in Travel 2027 jyl saıynǵy úzdik baǵyttar men týrıstik áserler toptamasyna engizdi.
Qazaqstan qonaqúıleri tuńǵysh ret MICHELIN Key belgisine ıe boldy.
Qazaqstan sheteldik týrıster úshin tartymdy baǵytqa aınaldyrý jolyndaǵy qadamyn kúsheıtti. Air Astana, Kazakh Tourism jáne bes óńir kúsh biriktirip, halyqaralyq naryqta Qazaqstannyń týrıstik áleýetin keńinen tanytýǵa kiristi.
