Qazaqstanǵa kelgen sheteldik týrıst sany 2,3 ese kóbeıdi

ASTANA. QazAqparat – Bıylǵy qańtar-naýryz aralyǵynda elimizge 227,7 myń sheteldik týrıst kelgen. Bul byltyrmen salystyrǵanda 130 myń adamǵa nemese 2,3 ese kóp. Ótken jyldyń sáıkes kezeńinde Qazaqstanǵa 97 myń sheteldik kelgen, dep habarlaıdy QazAqparat.

Alǵashqy toqsanda ishki týrıster sany da 20%-ǵa artty. Qańtar-naýryz aralyǵynda 1 mln 348 myń qazaqstandyq el ishinde saıahattaǵan.

«Byltyr elimizge 1 mıllıonǵa jýyq sheteldik týrıst keldi. Bıyl bul kórsetkish 1,4 mıllıonǵa deıin ósedi dep josparlanǵan. Bul sheteldik qonaqtardyń Qazaqstanǵa týrıstik baǵyt retinde qyzyǵýshylyǵynyń artyp kele jatqanyn kórsetedi. Máselen, jaz bastalǵaly Qazaqstanǵa kelgen sheteldikter sany 3 ese artty», - dedi MSM Týrızm ındýstrııasy komıtetiniń tóraǵasy Dastan Ryspekov.