Qazaqstanǵa kelgen sheteldik tikeleı ınvestıtsııa 5 esege artty
ASTANA. QazAqparat - 2016 jyldyń birinshi jartysynda Qazaqstanǵa kelgen sheteldik ınvestıtsııanyń aǵymy bes esege artty. Bul týraly QR Parlamenti Májilisindegi Úkimet saǵatynda QR Syrtqy ister mınıstri Erlan Ydyrysov málim etti.
«Sońǵy eki jylda Memleket basshysynyń álemniń negizgi elderine jasaǵan saparlary Qazaqstanǵa 42 mlrd AQSh dollarynan astam somada mindettemelerdi qamtamasyz etti. Bıyldyń jartyjyldyǵynda ınvestıtsııalaýdy tartý qarqynynda eleýli ósim baıqalýda. Aǵymdaǵy jyldyń alǵashqy alty aıynda tikeleı shetel ınvestıtsııasynyń aǵymy ótken jyldyń sáıkes kezeńimen salystyrǵanda bes esege artyp, 5,7 mlrd AQSh dollaryn qurady», - dedi E. Ydyrysov.
Onyń sózine qaraǵanda, 2016 jyldyń 1 qyrkúıegindegi jaǵdaı boıynsha Qazaqstanda sheteldik úlestiń qatysýymen 19 685 zańdy tulǵa, fılıaldar men ókildikter jumys isteýde. Birlesken kásiporyndardyń kóbisi Reseı, Túrkııa, Nıderlandy, Germanııa jáne Qytaımen arada iske asyrylýda. 2014 jylmen salystyrǵanda birlesken kásiporyndar sany 25 paıyzǵa artqan.
