Qazaqstanǵa kelgen 22 myń reseıliktiń 72% qyzmet kórsetý salasynda jumys istep júr

ASTANA. QazAqparat – Qazaqstanda 22 myń reseılik zenetaqy jarnasyn aýdaryp, jumys istep júr. Bul týraly Úkimet otyrysynda QR Eńbek jáne halyqty áleýmettik qorǵaý mınıstri Tamara Dúısenova aıtty, dep habarlaıdy QazAqparat tilshisi.

«Reseı azamattaryna toqtalsaq, zeınetaqy jarnasy túsip jatqan adamdardy ǵana jumys isteıdi dep sanaımyz. Qazir 22 myń reseılik zenetaqy jarnasyn aýdaryp jatyr. Sonyń ishinde bıyldyń basynan beri 8 myńǵa jýyǵy jumysqa turǵan», - dedi T. Dúısenova Úkimet otyrysynan keıin tilshiler saýalyna jaýap bere otyryp.

Onyń aıtýynsha, 22 myń reseıliktiń 72 % qyzmet kórsetý salasynda jumys istep júr.

«Qalǵan 16 paıyzy ónerkásipte bolsa, 9 paıyzy qurylysta jáne 2 paıyzy aýyl sharýashylyǵynda qyzmet etip júr. Osy oraıda olar negizinen klıenttermen jumys isteıtin menedjer, býhgalter, satýshy sııaqty jumystardy tańdaǵan», - mınıstr.

Budan buryn habarlanǵandaı, bıyl 9 aıda 654 myńǵa jýyq adam jumysqa ornalasty.