Qazaqstanǵa qajylyqqa úsh myń kvota bólindi
ALMATY. QazAqparat - Qazaqstanǵa qajylyqqa úsh myń kvota bólindi. Bul týraly Qazaqstan musylmandary dinı basqarmasynyń tóraǵa orynbasary, naıb múftı Serikbaı qajy Oraz Almatyda qajylyq konkýrsynyń irikteýinen ótken kompanııa basshylarymen ótken jınalysta aıtty.
Basqosý barysynda naıb múftı Serikbaı qajy Oraz qatysýshylardy QMDB qajylyq bóliminiń jańa basshysy Beıbit Myrzageldıevpen tanystyryp, bıylǵy qajylyq maýsymynda atqarylatyn jumystarǵa toqtaldy.
«Bıyl Qazaqstanǵa qajylyqqa úsh myń kvota bólindi. Qajylyq qyzmeti elimizde jyldan jylǵa jolǵa qoıylyp kele jatyr. Qyzmet kórsetý sapasy da artýda. Bıyl da elimizdiń qajylaryna Flynas áýe kompanııasy tolyqtaı qyzmet kórsetedi. Qajylar Astana, Almaty, Shymkent qalalarynan tikeleı reıs arqyly ushatyn bolady», - dedi Serikbaı qajy Oraz.
Qazaqstan musylmandary dinı basqarmasy baspasóz qyzmetiniń habarlaýynsha, keńeste týrfırmalardyń sapar barysynda qyzmet kórsetý sapasyn arttyrý máseleleri talqylanyp, birneshe talaptar qoıyldy.
Sondaı-aq, Beıbit Myrzageldıev mıssııa jumysy týraly málimet berip, aldaǵy jumys jospary jaıly áńgimeledi.
