Qazaqstanǵa qaı elderden eń kóp ınvestıtsııa tartyldy
«Birinshi jartyjyldyq qorytyndysy boıynsha Qazaqstanǵa sheteldik tikeleı ınvestıtsııasynyń aǵyny 11,1 mlrd dollardy qurap, byltyrǵy deńgeıden 30 paıyzǵa joǵary boldy. Elder arasynda ınvestıtsııalar kóbine Nıderlandydan tartyldy. Bıylǵy jarty jylda osy eldiń úlesi 29,6 paıyz boldy. Ekinshi orynda 18,8 paıyz kórsetkishpen AQSh tur. Odan keıingi oryndarda Shveıtsarııa, Reseı, Ulybrıtanııa», - dedi QR SІM Investıtsııalar komıteti tóraǵasynyń orynbasary Erlan Zeıneshev Ortalyq kommýnıkatsııalar qyzmetinde.
Óz kezeginde QR Ulttyq ekonomıka vıtse-mınıstri Álisher Ábdiqadyrov Táýelsizdik jyldarynda elge 670 mlrd AQSh dollarynan astam tikeleı sheteldik ınvestıtsııa tartylǵanyn aıtty.
«Birinshi orynda 200 mlrd dollar kórsetkishpen Nıderlandy, al ekinshi orynda 90 mlrd dollarǵa jýyq somada AQSh, sondaı-aq úshinshi orynda 55,8 mlrd dollar kólemdegi qarjymen Shveıtsarııa tur», - dedi Á. Ábdiqadyrov.
Budan buryn habarlanǵandaı, Álisher Ábdiqadyrov pandemııanyń shekteý is-sharalary jaǵdaıynda jahandyq tikeleı shetel ınvestıtsııalary aǵyndary 35%-ǵa tómendegenin aıtty.
Bıyl Qazaqstanǵa 20 mlrd AQSh dollary kóleminde ınvestıtsııa tartylmaq.
