Qazaqstanǵa qatqaqtan keıin jyly kún raıy qaıtyp oralady
ASTANA. QazAqparat - Qazaqstanǵa salqyn kúzgi jańbyrlar men túngi qatqaqtan keıin jazǵy jyly kún raıy qaıtyp oralady, dep habarlaıdy «Qazgıdromet» RMK.
Troposferada bolǵan soltústik jel birtindep ońtústik-batysqa aýysady. Olarmen birge Aldyńǵy Azııa aýdandarynan jyly, tipti ystyq aýanyń kelýi kútilip otyr. Respýblıkanyń ońtústigi men batysynda aýa temperatýrasynyń aıtarlyqtaı jylynýy kútilýde. Mundaǵy joǵary temperatýra +28 +36 gradýsqa deıin kóteriledi. Respýblıkanyń qalǵan aýmaǵynda da kúndizgi aýa temperatýrasynyń 23, 28 gradýs, keı jerlerde 32 gradýsqa deıin kóterilýi boljanyp otyr, alaıda túngi saǵattarda soltústik, ortalyq jáne shyǵys oblystardyń keı jerlerinde qatqaq túsýi yqtımal.
