Qazaqstanǵa ishki naryqty turaqtandyrýǵa jetetin dızel jetkizildi

NUR-SULTAN. QazAqparat – QR Energetıka mınıstri Maǵzum Myrzaǵalıev elimizdegi dızel otyny naryǵyna qatysty ahýalǵa pikir bildirdi , dep habarlaıdy QazAqparat tilshisi.

«Búginde ahýal túzeldi. Bul dızel otyny qajetti kólemde jetizilgendigin bildiredi. Osyǵan deıin oryn alǵan ahýaldy turaqtandyrý úshin shamamen 100 myń tonna dızel otynyn ımporttaý qajettigin aıtqan bolatynbyz. Qazir keminde 146 myń tonna dızel ımporttaldy. Osyǵan oraı búginde janar-jaǵarmaı quıý stansalarynda dızel otynyn satýǵa qatysty eshqandaı shekteý joq» - dedi mınıstr Senattyń jalpy otyrysynan keıin BAQ ókilderiniń saýalyna oraı.

Maǵzum Myrzaǵalıevtiń atap ótýinshe, elimizdiń munaı óndeý zaýytyna jóndeý jumysy júrgizilgen sátte qajetti dızel otyny jetkizilgen.

«Biz qazirgi ýaqytta 1,5 ese kóp dızel otynyn jetkizdik», - dedi Maǵzum Myrzalǵaıev.

Buǵan deıin Maǵzum Myrzaǵalıev elimizde oryn alǵan dızel tapshylyǵynyń basty sebebin ataǵanyn habarlaǵan edik.