Qazaqstanǵa iri kólemde apıyn men gashısh ótkizbek bolǵandar shekarada qolǵa tústi

ASTANA. QazAqparat - 2023 jylǵy 27 mamyrda UQK Shekara qyzmeti esirtki zattaryn iri kólemde ótkizýdiń eki áreketiniń jolyn kesti, dep habarlaıdy QazAqparat Shekara qyzmetiniń resmı saıtyna silteme jasap.

Saıttaǵy málimetterge qaraǵanda, Jambyl oblysynyń «Aýqatty» ótkizý pýnktinde kóliginiń arnaıy ázirlengen qupııa jerine jasyryp 62,2 keli qatty áser etetin esirtki zattaryn (apıyn – shamamen 24 kg,

gashısh – 38,2 kg) Qyrǵyzstannan Qazaqstanǵa ótkizbek bolǵan shetel azamaty ustaldy.

Sonymen qatar, Soltústik Qazaqstan oblysynyń «Qaraqoǵa» ótkizý pýnktinde Qazaqstannan Reseıge 62,4 keli keptirilgen marıhýanany ótkizý áreketi kezinde Qazaqstan azamaty ustaldy.

Esirtki evakýatormen tasymaldanyp kele jatqan kólikten tabyldy.

«Atalǵan faktiler boıynsha quzyrly organdar sotqa deıingi tergeýlerdi bastady»,-delingen habarlamada.