Qazaqstanǵa ımporttalǵan kartop pen sábiz tuqymynan juqpaly bakterııa tabyldy
«Bıyl sáýir aıynan mamyr aıyna deıin Qazaqstanǵa Germanııa, Nıderlandy jáne Frantsııa elderinen jetkizilýi tıis 228 tonna tuqymdyq kartopty, 46,4 keli frantsýz sábiz tuqymyn teksergende QR Aýyl sharýashylyǵy mınıstrliginiń Agroónerkásip keshenindegi memlekettik ınspektsııa komıtetiniń mamandary kartop tuqymynan (zebra chıpi) zııandy qozdyrǵysh bakterııasyn anyqtady», delingen habarlamada.
Candidatus Liberibacter Solanacearum bakterııasy ISO 17025 halyqaralyq standartyna sáıkes akkredıttelgen Ósimdikter karantıni respýblıkalyq ortalyǵyna qarasty Almaty aımaqtyq karantındik zerthanasynyń saraptama qorytyndysy arqyly rastalǵan.
Zertteýler adamı faktor áser ete almaıtyn jáne jalǵan oń nátıje kórsetý múmkindigin boldyrmaıtyn sertıfıkattalǵan test-jıyntyqtar qoldanylyp, PTR taldaýǵa arnalǵan joǵary sezimtal detektsııalaý jabdyǵymen júrgizildi.
«Candidatus Liberibacter Solanacearum Qazaqstan Respýblıkasynyń aýmaǵyna joǵary fıtosanıtarlyq qaýip tóndiredi. Zebra chıpi kartopqa, qyzanaqqa, sábiz ben baldyrkókke jáne basqa da daqyldarǵa keri áser etedi. Bakterııalar respýblıka aýmaǵyna taralatyn bolsa, ónimdi túgeldeı joıyp jiberýi múmkin jáne eldiń azyq-túlik qaýipsizdigine nuqsan keltiredi», delingen habarlamada.
Juqpaly bakterııasy bar tuqym faktileri boıynsha tıisti karantındik qujattar resimdeldi. QR Ákimshilik quqyq buzýshylyq týraly kodekske sáıkes materıaldar sottyń qaraýyna jiberildi. Onyń sheshimi boıynsha tıisti sharalar qabyldanady.