Qazaqstanǵa ımporttalatyn reseılik avtokólikter sany qysqardy
ASTANA. QazAqparat - Qazaqstanǵa tasymaldanatyn Reseılik avtokólikterdiń sany azaıyp, kersinshe Ózbekstannan keletin kólikterdiń ımporttyq kólemi artyp, olardyń naryqtaǵy úlesi 11,5 % qurady, dep habarlaıdy finprom.kz.
Qazaqstanǵa ımporttalatyn jeńil kólik sany qysqarǵan. Aǵymdaǵy jyldyń birinshi toqsanynda elimizge 4,7 myń avtokólik ákelingen, bul byltyrǵy jyldyń qańtar-naýryz aılaryndaǵy kórsetkishten 11%-ǵa tómen. Úsh jyl buryn 2014 jyldyń alǵashqy úsh aıynda elimizge 32,4 myń avtomobıl ımporttalǵan, ol qazirgi jaǵdaımen salystyrǵanda 7 esege artyq.
Sonymen qatar, reseıden ákelinetin avtokólikterdiń baǵasy qymbattap ketken. Aǵymdaǵy jyly shetten ákelingen jeńil kólikterdiń jalpy quny 92,5 mıllıon dollarǵa jetken. Bul 2016 jyldyń osy kezeńindegi baǵamen salystyrǵanda 41%-ǵa joǵary.
Aıta keteıik, qazaqstandyqtardyń basym bóligi shetten tasymaldanatyn kólikterdiń shamadan tys qymbattaýyna baılanysty odan bas tartyp otyr. Bir jyl ishinde Qazaqstanda tirkelgen jeńil avtokólikterdiń sany 7,5 myńǵa tómendep otyr.
