Qazaqstanǵa ımporttalatyn kókónister byltyr 25 paıyzǵa arzandaǵan
ASTANA. QazAqparat - 2017 jyly Qazaqstanda eksporttalatyn taýarlarǵa baǵa 2016 jylǵymen salystyrǵanda 16,3%-ǵa artty, ımporttalatyndarǵa 6%-ǵa ósti, dep habarlaıdy QazAqparat QR UEM Statıstıka komıtetine silteme jasap.
Ótken kezeńde eksporttyq jetkizilimder baǵasy ferroqorytpalarǵa - 38,3%, myryshqa -27,2%, mysqa - 25,5%, kómirge - 20,8%, munaıǵa - 20,4%, qorǵasynǵa 14,2%-ǵa joǵarylady, marganets kenderine 18,7%-ǵa tómendedi. Baǵanyń maqtaǵa 7,3%-ǵa joǵarylaýy, olardyń bıdaıǵa - 4,9%, júnge 4,8%-ǵa tómendeýi tirkeldi.
Importtalatyn ónimderden kofe - 17,5%, shaı - 10,8%, sút ónimderi - 10,3%, makaron ónimderi - 7%, qus eti - 5,1%, dári-dármekter 2,8%-ǵa qymbattady, kókónister - 25%, jemister men jańǵaqtar 2,4%-ǵa arzandady. Baǵa qaǵazǵa - 10,1%, tekstıl buıymdaryna - 7,2%, aıaqkıimge 5,4%-ǵa joǵarylady.
