Qazaqstanǵa Gollandııadan gúlderdiń arasyna jasyrylǵan kokaın ótkizilmek boldy

ASTANA. QazAqparat - Qazaqstanǵa Gollandııadan gúlderdiń arasyna jasyryp bir keli kokaınniń jetkizilýi anyqtaldy. Bul týraly búgin brıfıngte QR QM KBK Kontrabandaǵa qarsy kúres basqarmasy basshysynyń orynbasary Erden Juma málim etti.

«Qazaqstanǵa kokaındi jetkizýdiń faktisi anyqtaldy. Bizdiń qyzmetkerler Gollandııadan kelgen gúlderdiń arasynan bir keli kokaındi taýyp aldy. Esirtkiniń bul túri Qazaqstanǵa sırek tasymaldanady»,-dedi ol.

Aǵymdaǵy jyldyń birinshi jarty jyldyǵynda Respýblıkanyń keden organdary zańsyz aınalymnan 47 kelige jýyq esirtki zatyn, sonyń ishinde 40 keli - geroın, 4 keli - gashısh, 1 keli - kokaın tárkiledi.

«Jazǵy kezeńniń kelýine jáne aýyl sharýashylyq ónimderdiń iri kólemde ótkizilýine baılanysty Qazaqstan Respýblıkasynyń aýmaǵyna esirtki zattaryn zańsyz ákelýmen aınalysatyn qylmystyq toptardyń belsendiligi kúsheıedi, oǵan esirtki kontrabandasynyń anyqtalǵan iri partııasy derekteri dálel»,- dedi ol.