Qazaqstanǵa Gaz strategııasy qajet bolyp tur - Serik Ahmetov

ASTANA. QazAqparat - Búgin QR Munaı jáne gaz mınıstrliginiń keńeıtilgen alqa májilisinde Úkimet basshysy Serik Ahmetov gazdy paıdalaný turǵysynda jańa strategııany ázirleýdi tapsyrdy.

«Biz munaı-gaz keńesinde Elbasy alǵa qoıǵan maqsattarǵa baılanysty barlyq máselelerdi qarastyramyz dep aıqyndadyq. Onyń biri - gaz strategııasyna qatysty. ıAǵnı, biz gaz boıynsha naqty aıqyndap alýymyz kerek. Atap aıtqanda, munaı boıynsha shamamen boljaı alamyz. Máselen, óndirý kólemi, basty ken oryndaryn keńeıtý, olarda bizdiń transulttyq kompanııalardyń qatysýyn shamalap, osynyń nátıjesi qandaı ósim beretinin kóre alamyz», - dedi Premer-Mınıstr.

Osy oraıda S. Ahmetov qansha gazdy ıemdený mólsheri, tutyný kólemi boıynsha, gazdy paıdalaný baǵyttary jaıynda naqty túsinik bolýy tıis ekenin atap ótti.

«Bizge Gaz strategııasy qajet bolady. Bul aýqymdy jumys jáne keshendi túrde sheshý qajet. Osy turǵyda barlyq múddeli taraptardy tartý kerek. Sondyqtan gaz boıynsha jańa strategııanyń ázirleý jumystaryn jedeldetý qajet», - dedi Úkimet basshysy.