Qazaqstanǵa Frantsııa quramasy keledi
ASTANA. QazAqparat - Shveıtsarııanyń Non qalasynda jastar arasyndaǵy «Eýro-2019» irikteý dodasynyń jerebesi tartylyp, qazaq jastarynyń qarsylastary anyqtaldy.
Aıta keteıik, jerebe tartý barysynda Qazaqstan jastary Belarýs, Kıpr, Bosnııa, Ázerbaıjan syndy quramalarmen birge besinshi sebetke ornalasqan bolatyn. Sondaı-aq, sońǵy saıası tótenshe jaǵdaılarǵa baılanysty ÝEFA basshylyǵy jerebe tartý barysynda Ispanııa men Gıbraltardy bir topqa túspeıtindeı etti. Budan bólek Kosovo jastary da Bosnııa nemese Serbııa quramalarymen kezdese almaıtyndaı qyldy.
Al jalpy, 2019 jyly Italııada ótetin Eýropa chempıonatynyń fınaldyq kezeńine beriler 11 joldamaǵa 54 qurama talaspaq. Barlyǵy toǵyz top. Top jeńimpazdary birden Apennın túbegine beriler tikeleı joldamalarǵa ıe bolsa, óz toptarynda ekinshi oryn alǵandardyń ishindegi úzdik tórteýi qalǵan eki joldamany eki oıynnan turatyn elektik oıyndarda sarapqa salady.
Qazaqstan jastary Frantsııa, Slovenııa, Qarataý, Bolgarııa jáne Lıýksembýrg quramalaryna qarsy oınaıdy. Іrikteý dodasy osy jyldyń naýryz aıynda bastalady.
Esterińizge sala keteıik, Qazaqstan jastar quramasynyń bas bapkerlik qyzmetine jaqynda ǵana otandyq maman Vladımır Nıkıtenko taǵaıyndalǵan bolatyn.
Jastar arasyndaǵy «Eýro-2019» irikteý dodasy
1-top: Chehııa, Horvatııa, Grekııa, Moldova, Belarýs, San-Marıno
2-top: Ispanııa, Slovakııa, Islandııa, Albanııa, Estonııa, Soltústik Irlandııa
3-top: Danııa, Polsha, Fınlıandııa, Grýzııa, Lıtva, Farer araldary
4-top: Anglııa, Nıderland, Ýkraına, Shotlandııa, Latvııa, Andorra
5-top: Germanııa, Izraıl, Norvegııa, Irlandııa, Ázirbaıjan, Kosovo
6-top: Shvetsııa, Belgııa, Túrkııa, Vengrııa, Kıpr, Malta
7-top: Serbııa, Aýstrııa, Reseı, Makedonııa, Armenııa, Gıbraltar
8-top: Portýgalııa, Shveıtsarııa, Rýmynııa, Ýels, Bosnııa jáne Gertsegovına, Lıhtenshteın
9-top: Frantsııa, Slovenııa, Chernogorııa, Bolgarııa, Qazaqstan, Lıýksembýrg
"Eýro-2019" irikteý dodasy. Qazaqstan jastarynyń oıyndar kestesi
28.03.2017. Lıýksembýrg - Qazaqstan
13.06.2017. Chernogorııa - Qazaqstan
01.09.2017. Qazaqstan - Chernogorııa
05.09.2017. Frantsııa - Qazaqstan
06.10.2017. Bolgarııa - Qazaqstan
10.10.2017. Qazaqstan - Bolgarııa
23.03.2018. Qazaqstan - Frantsııa
27.03.2018. Qazaqstan - Lıýksembýrg
07.09.2018. Qazaqstan - Slovenııa
11.09.2018. Slovenııa - Qazaqstan
Derekkóz: Astana fýtbol federatsııasy
