Qazaqstanǵa Eýropalyq komıssııanyń saýda máseleleri jónindegi delegatsııasy keledi
ASTANA. Aqpannyń 8-i. QazAqparat /Ernur Aqanbaı/ - Aqpannyń 9-da Qazaqstanǵa Eýropalyq komıssııanyń saýda máseleleri jónindegi delegatsııasy jumys saparymen keledi. Bul týraly búgin Astanadaǵy aptalyq brıfıngte QR Syrtqy ister mınıstrliginiń resmı ókili Asqar Ábdirahmanov aıtty,
dep habarlaıdy QazAqparat.
Onyń aıtýynsha, sapar barysynda atalmysh delegatsııanyń Qazaqstannyń memlekettik organdarynda kezdesýleri josparlanyp otyr. Onyń barysynda Qazaqstan men Eýropalyq odaq arasyndaǵy saýda-ekonomıkalyq qarym-qatynastardyń ózekti qyrlary talqylanatyn bolady. Olardyń ishinde Qazaqstanyń Dúnıejúzilik saýda uıymyna múshe bolýy, Eýropalyq odaq tarapynan Qazaqstannyń naryqtyq ekonomıkasy bar el retindegi mártebesiniń moıyndalýy, otandyq ónimderdiń eýropalyq naryqtarǵa shyǵý múmkindikterin arttyrý sııaqty máseleler bar.
