Qazaqstanǵa Eýropalyq keńestiń prezıdenti keledi
NUR-SULTAN. QazAqparat - 31 mamyrda Eýropalyq keńestiń prezıdenti Donald Týsk Qazaqstanǵa resmı saparmen keledi, dep habarlaıdy QazAqparat tilshisi.
Bul sapar resmı Qazaqstan men Eýropalyq keńes arasyndaǵy kópjosparly yntymaqtastyqty damytýǵa qosymsha serpin bermek.
Mınıstrlik ókili Aıbek Smadııarovtyń aıtýynsha, taraptar Elbasy Nursultan Nazarbaevtyń úsh deńgeıdegi dıalogty jolǵa qoıý týraly «Úsh D» bastamasyn, Qazaqstan men Eýropalyq Odaq arasyndaǵy keńeıtilgen áriptestik jáne yntymaqtastyq týraly kelisimniń iske asyrý máselelerin talqylaıdy.
«Sapardyń mańyzdylyǵy Eýropalyq Odaqtyń mártebesimen anyqtalady, ol álemdegi eń iri ekonomıkasy bar jáne álemniń 80 eli úshin basty saýda seriktesi bolyp tabylady. Eýropalyq Odaqtyń úlesine syrtqy saýda aınalymynyń 50,6% jáne elimizdiń ekonomıkasynda jınaqtalǵan sheteldik kapıtaldyń 48% tıesili. 2018 jyly taýar aınalymy 37 mlrd AQSh dollaryn, sonyń ishinde Qazaqstannan eksport - 31 mlrd. dollaryn, ımport - 6,7 mlrd dollaryn qurady, bul 2017 jylǵy deńgeıden 23% joǵary jáne Qazaqstannyń syrtqy saýdasynyń jalpy kóleminiń 40,3%-yna sáıkes keledi»,- deıdi Aıbek Smadııarov.
Onyń aıtýynsha, Donald Týsk bul sapary arqyly eki aradaǵy is-qımyl kókjıegin aıtarlyqtaı keńeıtýge jáne barlyq salalarda yntymaqtastyqtyń jańa múmkindikterin ashýǵa qoldaý kórsetetin bolady.
