Qazaqstanǵa Eýroodaqtyń qaýipsizdik jónindegi joǵarǵy ókili keledi

ASTANA. QazAqparat - Eýropalyq Odaqtyń Syrtqy ister jáne qaýipsizdik jónindegi joǵarǵy ókili Jozep Borrel 16-17 qarashada Qazaqstanǵa resmı saparmen keledi.

Bul týraly BAQ ókilderiniń qatysýymen ótken brıfıngte QR Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.

«Eýropalyq Odaqtyń Syrtqy ister jáne qaýipsizdik jónindegi joǵarǵy ókili Jozep Borrel 16-17 qarashada Qazaqstanǵa resmı saparmen keledi. Sapar aıasynda Jozep Borreldiń QR Premer-Mınıstriniń orynbasary - Syrtqy ister mınıstri Muhtar Tileýberdimen jáne memleket basshylyǵymen ekijaqty kezdesýleri josparlanǵan», - dep atap ótti vedomstvonyń resmı ókili.

Onyń aıtýynsha, kelissózder barysynda taraptar kún tártibindegi óńirlik jáne halyqaralyq ózekti máselelerdi talqylaıdy. Sonymen qatar, Qazaqstan-Eýroodaq arasyndaǵy yntymaqtastyqty odan ári damytý perspıktıvalary da sóz bolmaq.

Foto: dknews.kz