Qazaqstanǵa esirtki alyp ótpek bolǵan reseılik qolǵa tústi - UQK
ASTANA. QazAqparat - Qazaqstan-Reseı shekarasynda ornalasqan «Obaǵan» baqylaý-ótkizý beketiniń (Qostanaı oblysy) shekara narıady «Lısakovsk-Túmen» baǵytymen kele jatqan avtokólikke shekaralyq baqylaý jasaý kezinde Reseı Federatsııasynyń azamatyn ustaýǵa májbúr boldy, dep habarlaıdy QR UQK ShQ baspasóz qyzmeti.
Jasy 45-ter shamasyndaǵy atalǵan azamattyń zattaryn tekserý kezinde onyń qoljúginiń ishinen ózindik ıisi bar, polıetılendi túıinshekke oralǵan salmaǵy 70 gramm bolatyn zat tabyldy. Aldyn ala saraptaý ol zattyń «marıhýana» ekendigin kórsetti.
Atalǵan iske qatysty materıaldar Qostanaı oblysy Uzynkól aýdandyq ishki ister bólimine berildi.
