Qazaqstanǵa eńbek mıgranttary eń kóp keletin 4 el
ASTANA. KAZINFORM – 2025 jylǵy 1 mamyrǵa jaǵdaı boıynsha jergilikti atqarýshy organdardyń ruqsatymen Qazaqstan aýmaǵynda 14 283 shetel azamaty eńbek etedi.
— Shetel jumys kúshin tartýǵa ruqsattardyń arasynda mynadaı sanattar bar: basshylar men olardyń orynbasarlary úshin 567 ruqsat (birinshi sanat), qurylymdyq bólimshelerdiń basshylary úshin 2 379 ruqsat (ekinshi sanat). Tartylǵan ShJK negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady — tıisinshe olar 4 392 jáne 1 037 adam. Sondaı-aq maýsymdyq jumystarǵa 2 271 adam, al korporatıvtik aýystyrý aıasynda 3 637 adam tartyldy, — delingen Eńbekmıni habarlamasynda.
Qazirgi ýaqytta Qazaqstanda ShJK paıdalanatyn 1 808 jumys berýshi bar. Olarda 352 myńnan astam Qazaqstan azamaty jumys isteıdi, bul qyzmetkerlerdiń jalpy sanynyń 96,1% — y.
Ekonomıkalyq qyzmet túrleri boıynsha eń kóp jumys isteıtinder qurylys salasynda — 5 027 adam, aýyl, orman jáne balyq sharýashylyǵy — 2 271 adam, taý — ken ónerkásibi jáne karerlerdi qazý — 1 329 adam, óńdeý ónerkásibi — 1 252 adam.
Eńbek mıgranttary keletin negizgi elder: Qytaı — 5 054 adam, Ózbekstan — 1 926 adam, Túrkııa — 1 079 adam, Úndistan — 1 078 adam.
— Іshki eńbek naryǵyn qorǵaý maqsatynda Eńbek jáne halyqty áleýmettik qorǵaý mınıstrligi jyl saıyn respýblıkaǵa shetel mamandaryn tartýǵa kvota belgileıtinin jáne bóletinin esterińizge salamyz. 2025 jyly jalpy kvota respýblıkadaǵy jumys kúshiniń sanyna qatysty 0,2% mólsherinde nemese 14,8 myń bolyp belgilengen, al osy jyldyń naýryz aıynan bastap jergilikti atqarýshy organdardyń ótinimderine baılanysty mınıstrdiń buıryǵymen 16,5 myńǵa deıin ulǵaıtyldy, — delingen habarlamada.
Aıta ketelik Almatyda zańsyz eńbek mıgranttary ustalǵan edi.