Qazaqstanǵa EQYU Bas hatshysy keledi

ASTANA. QazAqparat - Astanada EQYU Bas hatshysy Tomas Gremınger Qazaqstan Prezıdenti Nursultan Nazarbaevpen kezdesip, birqatar sharalarǵa qatysady, dep habarlaıdy QazAqparat tilshisi.

Jospar boıynsha T.Gremınger 10-11 qazan aralyǵynda keledi. «Sapar barysynda Eýropadaǵy qaýipsizdik jáne yntymaqtastyq uıymynyń Bas hatshysy Qazaqstan Prezıdenti Nursultan Nazarbaevpen, Joǵarǵy sot tóraǵasy Jaqyp Asanovpen jáne Syrtqy ister mınıstri Qaırat Ábdirahmanovpen ekijaqty kezdesýler ótkizedi. Sol kezde Qazaqstan men atalǵan uıym arasyndaǵy ózara is-qımyl perspektıvalary talqylanady. Tomas Gremınger Álemdik jáne dástúrli dinder kóshbasshylarynyń VI sezine, sondaı-aq, Eýropadaǵy qaýipsizdik jáne yntymaqtastyq uıymynyń Qazaqstandaǵy 20 jyldyǵyna arnalǵan halyqaralyq konferentsııanyń ashylýyna qatysady», - deıdi QR Syrtqy ister mınıstrliginiń baspasóz hatshysy Aıbek Smadııarov.

Aıta keteıik,  8-10 qazan aralyǵynda Serbııa prezıdenti Aleksandr Výchıchtiń Qazaqstanǵa resmı sapary josparlanǵan. Ol da Álemdik jáne dástúrli dinder kóshbasshylarynyń VI sezine qatysady.