Qazaqstanǵa dinı bilimi myqty, bilikti kadrlar qajet
ASTANA. 28 naýryz. QazAqparat - Qazirgi ýaqytta Qazaqstanǵa dinı bilimi myqty, bilikti kadrlar qajet. Bul pikirdi búgin elordada ótken «Ekstremızm men lańkestiktiń jastar sanasyna áseri» atty dóńgelek ústel otyrysy barysynda Astana qalalyq din isteri
departamentiniń jetekshi mamany Sáken Esirkepov bildirdi.
Ekstermızm, lańkestik taqyryby tek Qazaqstandy ǵana emes sonymen qatar búkil álemdi tolǵandyrǵan úlken máselege aınalyp otyr. Bunyń astarynda dinniń negizgi qaǵıdalaryn burmalap kórsetip, jastardy, azamattardy ózderiniń arbaýyna túsiretin, teris pıǵyldy maqsattaryna jumsaıtyn toptardyń, belgili bir adamdardyń jymysqy áreketi jatyr», - dedi ol.
Onyń paıymynsha, elimizde bundaı jat pıǵyldy toptardyń kóbeıýine 1992 jyly qabyldanǵan zańymyzdyń keıbir qabıǵalarynyń lıberaldy bolýy áser etti. Sonyń saldarynan kóptegen dinı aǵymdar men toptar Qazaqstanǵa kirip, óziniń qyzmetin jandandyrdy. Degenmen 2011 jyly qabyldanǵan zańymyzǵa sáıkes buǵan deıin elimizde tirkelgen dinı birlestikterdiń, mıssıonerlik baǵyttardyń qyzmetteri taǵy bir márte qaralyp, qaıta tirkeýden ótip jatyr. Sonymen qatar olardyń ádebıetterin dinı saraptamadan ótkizý jolǵa qoıyldy.
«Qazirgi ýaqytta Qazaqstanǵa dinı bilimi myqty, bilikti kadrlar qajet. Bul másele jolǵa qoıylýda. Qudaı qalap, bastama iske assa, meshit ımamdaryn, shirkeý qyzmetkerlerin, ýnıversıtette dinı bilim alǵan azamattardy shaqyryp, biliktilikterin qaıta kóterý kýrstaryn ótkizýdi oılastyryp otyrmyz», - dedi S.Esirkepov.
