Qazaqstanǵa dári-dármektiń 80 paıyzy syrttan tasymaldanady
ASTANA. QazAqparat - Qazaqstanǵa dári-dármektiń 80 paıyzy syrttan tasymaldanady. Bul týraly búgin QR Prezıdenti janyndaǵy OKQ-de ótken brıfıngte «SK-Farmatsııa» JShS basqarmasy tóraǵasynyń orynbasary Maksım Kasatkın málim etti.
«Búgingi kúni otandyq medıkamentter óndirisiniń úlesi 2016 jylǵa shamamen 20 paıyzdy qurap otyr. Ókinishke oraı qalǵan dári-dármekti ımporttaımyz. Degenmen oń dınamıka bar. Máselen, eger 2010 jyly bizdiń satyp alý qurylymymyzdaǵy otandyq óndiris kólemi 5 mlrd. teńge bolsa, qazir 20 paıyzǵa artyp, shamamen 18-19 mlrd. teńgege jetti», - dedi ol.
Onyń atap ótýinshe, kompanııa 15 otandyq dári-dármek óndirýshimen 18 kelisimshart jasasqan. Aldaǵy ýaqytta Qazaqstanda shyǵarylatyn dári-dármek túriniń kóbeıe túsýine baılanysty kelisimshart qatary da artatyn bolady.
Aıta keteıik, «SK-Farmatsııa» 2016 jyly jalpy somasy 102 mlrd. teńgeni quraıtyn 1034 túrli dári-dármek pen medıtsınalyq maqsattaǵy jabdyqtardy satyp alýdy josparlaǵan. 20 jeltoqsandaǵy jaǵdaıǵa sáıkes 78,6 mlrd. teńge somaǵa 830 túrli dári-dármek satyp alynǵan. Satyp alýlar 2014 jylǵy baǵamen júrgizilgen. Bul medıkamentter 2016 jyldyń 1 qańtarynan medıtsınalyq mekemelerge jetkizile bastaıdy.
