Qazaqstanǵa buzylǵan kartop ákelgen Qyrǵyzstan azamatshasyna aıyppul salyndy
TARAZ. QazAqparat - Qazaqstanǵa buzylǵan kartop ákelgen Qyrǵyzstan azamatshasyna 31,7 myń teńge kóleminde aıyppul belgilendi, dep habarlaıdy «QazAqparat» HAA tilshisi Jambyl oblystyq sotynyń baspasóz qyzmetine silteme jasap.
«Іs Taraz qalasy mamandandyrylǵan ákimshilik sotynda qaraldy. «Qyrǵyzstan Respýblıkasynyń azamatshasy 6 tonna karantındik talaptarǵa saı kelmeıtin kartop ónimin ákelgen. Karantındik fıtosanıtarııalyq saraptama qorytyndysyna oraı ónim altyn tústes jumyr qurtpen zaqymdanǵany anyqtaldy», - dedi sottaǵylar.
Sottyń qaýlysymen áıel ákimshilik quqyqbuzýshylyq jasady dep tanylyp, odan 20 AEK-tiń 70%-i 31 766 kóleminde, ıaǵnı 31 766 teńge aıyppul óndirildi. Tárkilengen ónim joıyldy.
Sottyń qaýlysy zańdy kúshine endi.
