Qazaqstanǵa Bosnııa men Gertsogovınanyń Syrtqy ister mınıstri Sven Alkalaı keledi
ASTANA. Naýryzdyń 9-y. QazAqparat /Aıdar Ospanalıev/ - Naýryzdyń 14-i men 15-i aralyǵynda Qazaqstanda resmı saparmen Bosnııa men Gertsogovınanyń Syrtqy ister mınıstri Sven Alkalaı bolady. Bul týraly búgin jýrnalıstermen bolǵan aptalyq brıfıngte Syrtqy ister mınıstrliginiń resmı ókili Asqar Ábdirahmanov aıtty,
dep habarlaıdy QazAqparat.
Elimizde mártebeli meıman ekijaqty yntymaqtastyqtyń damý jaǵdaıymen tanysý jáne eki el arasyndaǵy quqyqtyq-kelisim bazasyn talqylap keńeıtý, sondaı-aq memleketterdiń halyqaralyq uıym aıasynda birlesip qyzmet etý máselelerin talqylaý maqsatynda Syrtqy ister mınıstrligi men ózge de birqatar memlekettik organdardyń sondaı-aq ulttyq kompanııalardyń ókilderimen kezdesýi josparlanǵan.
