Qazaqstanǵa birneshe elden ushqyshsyz basqarylatyn apparattar jetkizildi

QR Qorǵanys mınıstriniń orynbasary Sultan Qamaletdınov Qazaqstanda ushqyshsyz basqaralatyn apparattardyń sanyn kóbeıtýge erekshe nazar aýdarylyp otyrǵanyn aıtty, dep habarlaıdy QazAqparat tilshisi.

«Keıingi kezderi álem elderinde bolyp jatqan qarýly qaqtyǵystar ushqyshsyz basqarylatyn apparattardyń mańyzdy rólin baıqatyp otyr. Osy oraıda elimizde bul baǵytta tıisti qadamdardy jasap jatyrmyz. Qazir osy apparattardy satyp alyp jatyrmyz jáne ózimizde de óndirýdi qolǵa aldyq», - dedi S. Qamaletdınov Senattyń jalpy otyrysynan keıin tilshiler suraǵyna jaýap bere otyryp.

Osy oraıda ol atalǵan apparattardy Qazaqstanda óndirý jospary jaıynda aıtyp berdi.

«Bizde ızraıldik ushqyshsyz basqarylatyn apparattar bar, sondaı-aq QHR-dan da jetkizildi. Túrkııa kompanııalarymen birlesken kásiporyndy qurý baǵytynda jumys iske asyrylyp jatyr. Sonymen qatar, qazir otandyq apparattardy synaqtan ótkizý is-sharalary jalǵasyp otyr», - dedi mınıstrdiń orynbasary.