Qazaqstanǵa bir tonnaǵa jýyq etti zańsyz alyp ótpek bolǵan Qyrǵyzstan azamaty ustaldy

ASTANA. QazAqparat - Qazaq-qyrǵyz shekarasynda shekarashylar bir tonnaǵa jýyq qoı etin ótkizbek bolǵan qyrǵyzdyń jolyn kesti, dep habarlady QR UQK ShQ baspasóz qyzmetinen.

Qordaı shekara otrıadynyń «Qarasý-avto» baqylaý-ótkizý beketiniń shekarashylary Qyrǵyzstannan 38 qorap etti zańsyz ótkizýge árekettengen 34 jastaǵy qyrǵyz azamatyn ustady. Qoraptaǵy etti ólshegende jalpy salmaǵy 900 keli bolǵan.

«DAV» avtokóligimen kele jatqan azamatqa qatysty materıaldar Jambyl oblysy Qordaı aýdandyq veterınarlyq qyzmetine tapsyryldy.